♪♫ {ကိုရံတော်( မင်းပြား } နှင့် အင်တာဗျူး♪♫

အင်တာဗျူးမှာ စာဖတ်သူများတိကို မိတ်ဆက် ပီးချင်ရေ သူတစ်ယောက် ရှိပါရေ။
သူကတော့ခါ လက်ရှိ ရန်ကုန်မှာ နေထိုင်ပြီးကေ အချိန်ရသလောက်  တေးခြင်းတိကို
တေးခြင်း ချစ်သူ လူငယ် လူကြီးတိ အတွက် နားထောင်ဖို့ အဆင်ပြေစီဖို့ အတွက် Flash Songs အဖြစ် ဖန်တီးလုပ်ပီပြီကေ  မျှပီးနိန်ရေ  Flash Songs ဝါသနာရှင် အင်တာနက်မှာ အိမ်ဆောက်လို့ နိန်ရေ ကိုရံတော် (မင်းပြား) ဖြစ်ပါရေ။

Flash Songs တေးခြင်း ဖန်တီးစွာအပြင် သူရဲ့  ဝါသနာအရ Website မှာ Admin အဖြစ် တာဝန်ယူပြီးကေ

ကိုပိုင် free Website တိကိုလဲ ကို့ ဝါသနာအရ  လုပ်ဆောင်နိန်ရေ သူတစ်ယောက်လည်း ဖြစ်ပါရေ။

 သူ .တာဝန်ယူခရေ Website မှာ အတွိအကြုံ ဗဟုသုတတိ

 သူဖြစ်သန်းခရရေ အတွီ့ အကြုံ အခက်ခဲတိကို  ပြည့်ပြည့်စုံစုံ သိရှိနိုင်ဖို့
ကိုရံတော် (မင်းပြား) နဲတွိ့ ဆုံပြီးကေ စာဖတ်သူတိအတွက်
အင်တာဗျူးအဖြစ်  စီစဉ် တင်လိုက်ပါရေ...။

မင်္ဂလာပါ ကိုရံတော် ....

ကိုရံတော် နာမည်နှင့် လက်ရှိနေထိုင်နိန်ရေမြို့ကို ပထမဆုံး မိတ်ဆက်ပီးပါ။

ဟုတ်ပါယင့် ....  မင်္ဂလာပါမမ။

ကျွန်တော် နာမည်က ဇေယျာနိင်လို့လို့ ခေါ်ပါရေ။ လက်ရှိနိန်ထိုင်စွာ ရန်ကုန် စမ်းချောင်းပါ။

ဟုတ်ပါယင့် .......ဒေဂု တေးခြင်းအကြောင်း မမိန်းခင်မှာ ကိုရံတော်ကို ပထမဆုံး မိန်းချင်စွာက  အင်တာနက်ကို ဇာအချိန်လောက်က စတင်အသုံးစွာပါလေ ဆိုစွာကို ဖြေပီးပါဦး ...

ဟုတ်ပါယင့်... မမ။ အင်တာနက် စ,မသုံးခင် 2010 လောက်မှာ အင်တာနက် ဂိမ်းကို ကစပ်ဖြစ်ပါရေ။

ယင်းမှာကတ တဆင့် အင်တာနက်ဆိုင်တိမှာ Gtalk သုံးရေ လူတိဘေးမှာထိုင်လို့ Gtalk အကောင့် တစ်ခု ရခဲ့ပါရေ။ အရင်ဆုံး ချက်တင်ကစပြီး သုံးဖြစ်ခစွာပါ။ ယင်းက တဆင့် Website တိကို ဝင်ကြည့်ဖြစ်ပါရေ။

သူများရေးထားရေ ကဗျာတိကိုလဲ ဖတ်ဖြစ်တတ်လာပါရေ။

အော် ဟုတ်ပါယင့်

ကိုရံတော် ကိုယ်တိုင်က တေးခြင်းဖန်တီးနိန်ရေ လူဆိုကေ  အနုပညာ ဖက်ရော ကိုရံတော် ဝါသနာမပါ ပါလာ? ဥပမာ သရုပ်ဆောင်စွာ တေးခြင်း ဆိုစွာတိပါလေ?

ဟုတ်ပါယင့်.... ကျနော် ဝါသနာ ပါစွာက နည်းပညာတိ ကဗျာရေးဖို့စွာတိ လောက်ပါရာ။ တေးခြင်းကတော့ခါ မဆိုဖြစ်လောက်လို့ထင်ပါရေ ။ သရုပ်ဆောင် လုပ်ဖို့စွာကိုတော့ စဉ်တောင်မစဉ်စားဖူးပါမမ

တေးခြင်းတိကို ဖန်တီးနိန်ရေ ကို၇ံတော်ကို တေးခြင်းချစ်သူလို့ပြောကေ ကို၇ံတော် ဖာပိုင်ပြန်ဖြေပါဖို့လဲ ?

ကျနော်က တေးခြင်းတိကို ချစ်ပါရေ။ ယင်းပိုင် ခေါ်ကေလေ့ ကျွန်တော် သဘောကျမိပါဖို့။

တေးခြင်းက လူတစ်ယောက် အတွက် စိတ်ထွက်ပေါက်ကို ပီးနိင်ပါရေ။

ကျွန်တော်က တေးခြင်းတိကိုနားထောင်နိန်ကေ တေးခြင်းထဲမှာ စီမျောလားပါရေ

ယင်းပိုင်ခေါ်ကေလေ့ ကျေးဇူးတင်ပါရေ။

ကိုရံတော်က ဇာပိုင်တေးခြင်းတိကို နှစ်သက်ပါလေ ဇာပိုင်တေးခြင်းတိကို ကိုရံတော်နားထောင်ဖြစ်လဲ ဆိုစွာ ပြောပြပါ?

တေးခြင်းတိထဲမှာတော မိဘတေးခြင်းတိ  ဘဝ အကြောင်း ရွိးထားရေတေးခြင်းတိကို နှစ်သက်ပါရေ..

အချစ်တေးခြင်းတိ အလွမ်း တေးခြင်းတိ အားလုံးကိုနားထောင်ဖြစ်ပါရေ.. ။ စိတ်ညစ်စရာတိနှင့်

စိတ်မွန်းကျပ်တေဆိုကေတော့ခါ ပေါက်ကွဲ သံစဉ် တေးခြင်းတိကို နားထောင်ဖြစ်ပါရေ။

ဟုတ်ပါယင့် ကိုရံတော် flashsongs တေးခြင်းကို ဇာအချိန်လောက်က စပြီးကေ လေ့လာဖြစ်စွာပါလေ?

2011-2 လပိုင်း လောက်က စပြီးလေ့လာဖြစ်စွာပါ။ ချက်တင်ထိုင်နိန်တုန်းမှာ ကျွန်တော်နှင့်ခင်ရေ တစ်ယောက်က

တေးခြင်းတစ်ပုဒ် ပို့ ပီးပါရေ သူလုပ်ထားရေ တေးခြင်းပါ။ယင်းပိုင်နှင့်

သူ့ကို Flash Songs တေးခြင်းကို ကျနော် ပုံနှင့်လုပ်ပီးပါလို့ တောင်ဖူးပါရေ။ သူကလဲ စိတ်ရှည်ရှည်နှင့်  လုပ်ပီးခပါရေ။ ယင်းကစပြီးကေ သူတေးခြင်းတိကို နားတောင် သဘောကျလို့ ကိုယ်တိုင် လုပ်ချင်ရေစိတ်တိ ပြင်းလာပါရေ။

ယင်းပိုင်နှင့် ယင်းအချိန်က စလို့ ကျွန်တော်  Flash Songs ပညာကို  သူပါးကသင်မယ်ဆိုပြီပြောလို့သူက ဖလက်လုပ်တေ အီဘုတ်တိကို ဖတ်လို့ သင်ယူခစွာပါ။

တေးခြင်းတိကို ဖလက်စောင်းချေ အဖြစ် ကိုရံတော်က ဖန်တီရေဆိုကေ ဇာပိုင်ဝါသနာပါလို့  လုပ်ဖြစ်လားစွာပါလေ ?

 အဓိက ကတော့  တေးခြင်းတိကို  နှစ်သက်လို့ လုပ်ဖြစ်လားစွာပါရာ။ သူငယ်ချင်တိကိုလဲ အပျင်ပြေ စီချင်လို့ပါလေ။

ဟုတ်ပါယင့်..Flash Songs လုပ်စွာကို  စလို့လုပ်ဖို့လေလာရစွာဆိုကေ အဆင်မပြေခရေ အခက်အခဲတိ အတွိ့ အကြုံတိ ဇာပိုင်ဖြတ်သန်းလာခရေဆိုစွာကိုလဲ ဗဟုသုတ အဖြစ် မျှဝီပီပါလေ?

အဆင်မပြေခရေစွာတိက အများကြီးပါ။ အရင်ဆုံး အခက်အခဲဖြစ်စွာက Flash Songs လုပ့်ရေ ဆာ့ဝဲလ် ပြသာနာပါ။ ယင်းဆော့ဝဲးကို ဇာနိန်ရာမှာ ယူရဖို့လဲ ဆိုစွာမသိပါ။ ကျွန်တော် အသိတစ်ယောက် ကျေးဇူးကြောင့် သူဆိုက်လင့်ကိုပီးပါေ၇ ယင်းကနိန် တဆင့် ဆော့ဝဲလ် ဆော့ဝဲးရလို့ ကိုမိုးသောက်ပန်း Flash Songs လုပ်နည်း စာအုပ်လေးကို လေ့လာ ရသိမ့်ပါရေ။

စလုပ်တေ တေးခြင်းတိမှာ တေးခြင်းစာသား အဝင်အထွက် ထည့်ရစွာ ခက်ခဲပါေ၇။ နောက် ပုံတိထည့်ကေလေ့ 

မညီမညာ ပြောင်ဆန်လို့ တေးခြင်းစာသားတိကလဲ တေးခြင်းအသံနှင့်တစ်လွဲးစီဖြစ်နိန်ပါရေ။

တေးခြင်း 3..4 ပုဒ်လောက် ယင်းပိုင် အခက်အခဲတိနှင့် ကြုံခရပါရေ .. ။

 နောက်တော့ ကြိုးစားလို့ နောက်ပိုင်း အဆင်ပြေ လာပါရေ။

Flash Songs လုပ်ရေ နိန်ရာမှာ စိတ်ရှည်ဖို့ ကအဓီကကျပါရေလေ။

Flash Songs ပညာရှင်တိ ရေးပီးထားရေ အီဘုတ်တိကိုဖတ်ပြီးကေ ဒေလောက်ဖန်တီးလာနိုင်စွာပါ .. ။

ဒေဂုဆိုကေ Flash Songs လုပ်ရစွာ သြော် ....တပျင် လွယ်ပါလားလို့ တောင် ပြောရဖို့ ဖြစ်နိန်ပါဗျာလ်။

သြော်...ဟုတ်ပါယင့်

ဒေဂုလက်ရှိဖန်တီထားရေ Flash Songs တေးခြင်းအားလုံး ဇာလောက်ရှိပါဗျာလ်လေ?

အယင်က ဆိုဒ်ထက်မှာ တင်ထားဖြစ်စွာကတော အပုဒ် 3၀ ကျော်လောက်ရှိပါရေ အားလုံးဗမာတေးခြင်းတိပါ ။

တေးခြင်းတောင်ဆိုရေ သူတိအအတွက် လုပ်ပီးပြီးကေ ဆိုဒ်ထက်တင်စွာပါ။

ကိုယ်တိုင် ကြိုက်နှစ်သက်လို့ လုပ်ထားရေ တေးခြင်းက15 ပုဒ်လောက်ပါ။

ကျွန်နော်က ရခိုင်တေးခြင်းတိကို ဒေဂုမှ စလို့ လုပ်စွာပါ။

အယင်က ကျွန်နော် ဒေပိုင်ရခိုင်ဆိုက်တိကို ကျွန်တော် မသိပါလေ။

ဒေဂုလုပ်နိန်ရေ ရခိုင်တေးခြင်းတိမှာ တေးခြင်းစာသားထည့်လို့ မလုပ်ထားပါ..

တစ်ယောက်တည်းလုပ်နိန်ရစွာဖြစ်လို့..တေးခြင်းစာမျက်နှာမှာ အပုဒ် 50 လောက်ရဗျာလ်ဆိုကေတော့ခါ

နောက်လုပ်တေတေးခြင်းတိမှာ တေးခြင်းစာသားတိကိုပါထည့်ပီးလားပါဖို့။

လုပ်လက်စနှင့်ဖြစ်လို့ ပစ်ထားရစွာတိလဲ ဟိပါရေ ။

အားလုံးပေါင်းတော့ခါ 40 ကျော်လောက် လုပ်ဖြစ်ဗျာလ် ထင်ပါရေ မမ.. ။

ဒေဂုတော့ ဆိုက်လဲပျက် တေးခြင်းလဲ ပျက်ဖြစ်လားပါဗျာလ်..။

သြော်..စိတ်မကောင်းပါ.. ကိုရံတော်

MP3 နဲ့ Flash Songs နားထောင်ရစွာက ဇာပိုင် အဆင်ပြေရေ ဇာပိုင် ကွာရေဆိုစွာတိကိုလဲ သိချင်ပါရေထေား?

MP3 နဲ့ Flash Songs ကတော့ခါ ကွာဟမူတိ ဟိပါရေမမ။  MP3 ဆိုစွာက အသံကိုရာ နားထောင်လို့ ရပါရေမနားယေ။

မျက်စီမှိတ်လို့  နားထောင်တက်ရေ သူတိအတွက် ကတော့ခါ အဆင်ပြေပါရေ။

Flah Songs က ကျတော့ခါ တေးခြင်းစာသားကို လိုက်ဆိုလို့ ရရေ။ စိတ်ခံစားမှူ့တိကို လွတ်လပ်စီရေ။

တေးခြင်းထဲမှာ စိတ်မျောလားတတ်တေ။ ထပ်ခါထပ်ခါ နားထောင်ချင်ရေ စိတ်တိက များလာရေ။

ဖလက်ဆောင်းမှ ဖလက်ဆောင်း ဖြစ်လာပါရေ..

Gtalk မှာ ဖြစ်ဖြစ် facebook မှာ ဖြစ်ဖြစ် တစ်ယောက်နဲ့ တစ်ယောက် အပြန်အလှန် ၀ီမျှလို့ လဲရပါရေ။

နောက်ခံ ဒီဇိုင်းတိကလည်း  ကြည့်လို့ကောင်းရေ။ နားထောင် ရစွာကတစ်မျိုးဆန်းနိန်ပါရေ..၊့ 

Flash Songs  ဖန်တီးထားစွာကို မြင်ရကေလေ့ တနားချေဗင်ဖြစ်ဖြစ် ပျော်ရွင်စီရေ။

ကိုယ့်ချစ်သူ မွေးနိန့်မှာ လက်ဆောင်တိ ချစ်သူများနိန့် မှာလဲ အမှတ်တရ လက်ဆောင်ပီးနိင်ပါရေ

ကိုယ်နှင့်ခင်မင်ရေ သူတိကိုလည်း MP3 ကိုလက်ဆောင်ခစွာထက် အလှပချေ ဖန်တီးထားရေ Flash Songs လက်ဆောင်လေးကို ပီးဖို့ ဆိုကေ အကြိုက်ဖြစ် နှစ်သက်လိမ့်မယ် လို့ ကျနော်ထင်ပါရေ။

FlashSongs တိကို ဖန်တီးနိန်ရေ ကိုရံတော်အနိန်နှင့် ဝါသနာအရ လေ့လာနိန်ရေ လူငယ်တွေကို ဇာပြောချင်ပါလေမသိ?

ဝါသနာရ Flash Songs ကို စိတ်ဝင်စားလို့ လေ့လာချင်သူတိအတွက် ကျနော် ပြောချင်စွာက။

ဇာအရာမဆို စိတ်ရှည်ဖို့လိုပါရေ။ တဖြေးဖြေးချင်းနှင့် စဉ်စားလော့လာ ကြံစဖို့ဆိုကေ မဖြစ်ဆိုစွာ မရှိပါ။

ကိုယ်မသိ မတက်စွာတိကို မိန်မြန်ပါ စုံးစမ်းပါ။ ကိုယ်က အမှန်တတ်ချင်ရေ လုပ်ချင်ရေဆိုကေ ယင်းအလုပ်က ဖြစ်လားစွာပါရာ။

မသိ မရှိစွာတိကိုလည်း Flash Songs ပညာရှင်တိကို မိန်ကြည့်ပါ.. ။ ကျနော်က ဆရာကြီးမဟုတ်သိမ့်ကေလေ့ လိုအပ်စွာရှိကေ မိန်းလို့ရပါရေ အကူညီ တောင်းနိုင်ပါရေ။ ကျနော် တက်နိုင် သလောက် ပြန်လို့ဖြေပီးလားဖို့ ပါဖိုိ့စွာရာ။

ကိုရံတော်က တေးခြင်းဖန်တီးစွာအပြင် ကိုယ်ပိုင် Website/သူများ Website တိမှာ အက်မင်လုပ်ပြီးကေ တာဝန်ယူ ကူညီလို့ဟိပါလာ?

ရှိကေ ဇာ Website တိမှာ ဝင်လို့ ကူညီဖြစ်ပါရေလဲ? ကိုယ်ပိုင် Website တိကိုကော ဇာပိုင်ဖန်တီးထားစွာပါလေ?

ဟုတ်ပါယင့် မမ..။ ကျနော်အယင်ကတော့ခါ ဗမာဆိုက်ဖြစ်တေ ning ဆိုက် ချစ်သူမြို့ တော် ဆိုက် မှာ Admin အဖြစ် တာဝန်ယူ လုပ်ဖူးခပါေ၇..

ဒေဂုတော့ခါ ယင်းဆိုက်က မဖွင့်ပါဗျာလ်....ကျနော်လဲ သင်တန်းတက်ဖို့စွာနှင့် တိုက်ဆိုင်လားလို့

ဆိုက်ထဲကို လုံးဝ မဝင်ဖြစ်စွာက ဒေဂုထိပါဒေ။

ကျနော်က ကိုယ်ပိုင်ဆိုက်ဆိုလို့ free Website ဆိုက်သူမြို့ တော် နာမည်နှင့် ပြန်တင်လိုက်စွာပါရာ။

ဒေဂု ကျနော်ဆိုက်ကိုလဲ ပြန်ဖျက်လိုက်ပါဗျာလ်။

ဟုတ်ပါယင့် ကိုရံတော်

တေးခြင်းတိကို ဖန်တီနိန်ရေ လူငယ်တစ်ယောက် အချစ်နှင့်ကော တွီနိန်ပါဗျာလ်လာ ?

၁၅၀၀ ဆိုရေ အချစ်အကြောင်းကို ကိုရံတော်  ဇာပိုင်ခံယူထားပါလေ.။

အချစ်နဲ့ ပက်သက်တေ မေးခွန်းဆိုကေတော့ခါ အဖြေက နည်းနည်း ဆန်းပါနိန်ပါလာလို့ ။ :)

 ကျွန်တော်က  အသက်ငယ်ကေလေ့  အချစ်ကို တွီ့ နိန်ပါဗျာလ်..ခံလည်းခံစားတတ်နိန်ပါဗျာလ်..

၁၅၀၀ ဆိုစွာနှင့် ၅၂၈ က မတူသလိုလိုနှင့်  အမှန်က တူလဲ တူရေ နီးလည်း နီစပ်ပါရေ။

၁၅၀၀ အချစ်နှင့် ကိုယ်ချစ်ရေ သူကို ချစ်နိုင်ရေပိုင် ၅၂၈ နှင့် ချစ်ရစွာကလည်း  ပြီးပြည့်စုံရေ ချစ်ခြင်းမျိုး တစ်မျိုးလို့ဆိုနိုင်ပါရေ။

အမှန်က လူတစ်ယောက်ကို ချစ်မိဗျာလ်ဆိုကေ ဖြူစင်ဖို့က အရေးကြီးစွာပါပါ။

ဖြူဖြူ စင်စင်နဲ့ မှန်မှန်ကန်ကန် ချစ်စွာကမှရာ အချစ်စစ်ဆိုရေ သဘောတရားပါမနားယေ။

အချစ်ကို လူတိုင်းက အဓိပ္ပါယ် အမျိုးမျိုးနှင့် ဖွင့်ဆိုကတ်ပါရေ။ တစ်ယောက် တစ်မျိုးစီဖြစ်လို့ မတူညီနိုင်လို့ ထင်ပါရေ။ ကျနော် လက်ခံယုံကြည် ထားစွာကတော့ခါ အချစ်ဆိုစွာ ကိုယ်က အီချမ်းချင်ကေ အီချမ်းလို့ ရပါရေ။

ပူလောင်ချင်ကေ ပူလောင်လို့ ရပါရေ။

အချစ်နှင့် ပက်သက်ရေ အရာအားလုံးစွာ ကိုယ့် အပေါ်မှာပဲ မူတည်ပါရေ။

ကို ရံတော် နားလည်ထားရေ အဖြူရောင် သံယောဇဉ် ၅၂၈ အကြောင်းကို ဖြေပြပါ?

အဖြူရောင် ဆိုစွာက သန့်ရှင်းရေ ... စင်ကြယ်ရေ။ သူစိမ်း တစ်ယောက်နှင့် တစ်ယောက် ပေါင်းစပ်ဖို့ ဆိုစွာ ကြားထဲမှာ သံယောဇဉ် နှောင်ကြိုးဆိုစွာတိက အများကြီး လိုအပ်ပါရေ။

တစ်ယောက်နဲ့ တစ်ယောက် ခင်ဖို့  ရင်းနှီးဖို့ ... ၅၂၈ နှင့် အကြင်နာ ကြိုးတွေ ရစ်ပတ်ဖို့။

တစ်ယောက်အပေါ်မှာ တစ်ယောက်က နားလည်မှူ့ပီးနိင်ဖို့အတွက် ယုံကြည်မှူ ထားဖို့လိုရေ။

တစ်ယောက်အပေါ်မှာ တစ်ယောက်က သစ္စာ ရှိရေပိုင် သစ္စာ မဖောက် ကတိတည်ဖို့။

မိဘ ဆွေမျိုး မောင်နှမ တိပိုင် ချစ်ခင်ယုယ ဖေးမ ကူညီဖို့ ။

ဒေချင်စွာ 528  အကြောင်း တစ်စိတစ်စောင်းပါမနားယေ။

1500 အချစ် ဖြစ်လာဖို့ အတွက် 528 အချစ်က ပံပို့ ပီးရရေ လို့ ကျနော်ယုံကြည်ထားပါရေ။

ကိုရံတော်က ဝါသနာအရ ဒေဂုပိုင် လုပ်နိန်ရေဆိုကေ နောက်ဆက်လို့  ဇာပိုင်လုပ်ဆောင်လားဖို့ ဟိသိမ့်ပါလေဆိုစွာကို ကိုရံတော် စိတ်ကူး ရည်မှန်းထားစွာစွာတိကိုလည်းသိချင်ပါရေ?

ကျနော်ဒေဂု ရခိုင်တေးခြင်း Flashsongs တိကို စလုပ်နိန်ပါဗျာလ်.. ။ တစ်ရက်ကို တစ်ပုဒ်နှူန်းနဲ့ ဖန်တီးလားပါဖို့ ။ရှေ့ဆက်လို့လဲ တေးခြင်းလုပ်တေ အပိုင်းဘက်ကို ကျွန်တော် စဉ်စားထားပါရေ။

တေးခြင်းတောင်းဆိုဖို့ ဖြစ်ဖြစ် ၊ FlashSong နှင့်ပတ်သတ်လို့  မိန်းချင်ကေဖြစ်ဖြစ် သိချင်ရေ သူငယ်ချင်းတိအတွက် ဆက်သွယ်နိုင်ဖို့  လိပ်စာလေးကိုပါ သိချင်ပါေ၇?
ဟုတ်ပါယင့် ... ကျနော်ကို ဆက်သွယ်ချင်ကေတော့ခါ korantaw@gmail.com ကို ဆက်သွယ်နိုင် ပါရေ. ။Add ပြီးကေ စာချန် ထားခနိင်ပါရေ။
ကိုရံတော် လုပ်ဆောင်ချက်တိကို အားပီးကတ်တေ သူငယ်ချင်းတိအတွက် ဇာပြောချင်ပါလေ..။
ကျနော်က မင်းသား မဟုတ်ရေပိုင် အဆိုတော်လဲ မဟုတ်ပါ။ ယကေလေ့ ကျနော်လုပ်ဆောင်ချက်တိကို အားပီးခရေ အစ်ကိုတိ အစ်မတိ ညီတိ ညီးမတိ အားလုံးကို ကျွန်တော်ရင်ထဲက စိတ်ရင်း အမှန်နှင့် အားလုံးကို ကျေးဇူးအထူးပါရေ။ အားလုံး ပျော်ရွင်ရေ ဘ၀သစ် တစ်ခုကို စိတ်ချမ်းသာကိုယ်ကျန်မာစွာနှင့်  ပြီးပြည့်စုံရေ အိမ်မက် တစ်ခုကို အကောင် အထည် ဖော်နိုင်ပါစီလို့ ဆုတောင်းပီးပါရေ ။
ဒေဂုပိုင် မိန်းမြန်သမျှကို စိတ်ရှည် လက်ရှည်နှင့် ဖြေပီးရေ  ကိုရံတော် ကို မက lovearakan ကိုစား ကျေးဇူးအထူး တင်ပါရေနန်း။နောက်လည်း ဝါသနာပါရေ အရာတိကို အင်တာနက်မှာ မျှဝေနိုင်ပါစီလို့ ဆုတောင်းပါယင့်။
ဟုတ်ပါယင့် မမ  ကျေးဇူးတင်ရှိပါရေ။ နောက်လည်း ပြန်လို့ ဆုံတွိ့ နိန်ပါစီလို့ ဆုတောင်ပါယင့်။စာဖတ် ဝါသနာရှင် တိကိုလည်း ကျေးဇူး တင်ပါရေနန်း။အားလုံး အိပ်မက် လှလှချေတိကို မက်နိင်ကတ်ပါစီ.....
 ဒေပိုင်ရာ တင်ပြပီးလိုက်ပါရေဒေ နောက်လဲ ကျန်ရှိနိန်ရေ လူတိနှင့် တွိ့ ဆုံ  မေးမြန်းခန်းချေတိကိုလဲ လုပ်လားပါဖို့ ဆက်လက် စောင့်မျှော် အားပီးကတ်ပါနန်း.....
အားလုံး ကျေနပ်နှစ်သိမ့်နိုင်ဖို့ လို့ထင်ပါရေ..
ကိုရံတော်(မင်းပြား)စာမျက်နှာကိုလားဖို့
မြတ်နိုးအိမ်ကိုလာလည်ချင်ကေ