lovearakan မိသားစု အားလုံး
ကျွန်တော် ကိုရံတော် အင်တာဗျူးဖို့ ရွေးချယ်ထားရေ လူကတော့ love arakan ဆိုက်တည်ထောင်သူ
ကိုခိုင်ကျော်းထူး နှင့် အင်တာဗျူးဖို့ ရွေးချယ်ဖြစ်ခပါရေ။
ရခိုင်ဆိုက် love arakan ဆိုက်ကိုတည်ထောင်ထားရေ ကိုခိုင်ကျော်ထူး ရင်ထဲကလာရေ ပီတိစကားသံ တိကို lovearakan ချစ်သူ မန်ဘာဝင် မိသားစုတိလည်း သိချင်နိန်ကတ်ဖို့လို့ ထင်ပါရေ။
ယင်းအတွက်နှင့် ကျွန်နော် မိန်းမြန်းသမျှတိကို ကိုခိုင်ကျော်ထူး ဖြေကြားပီးခရေ
ယင်းအတွက်နှင့် ကျွန်နော် မိန်းမြန်းသမျှတိကို ကိုခိုင်ကျော်ထူး ဖြေကြားပီးခရေ
ကိုခိုင်ကျော်ထူး မင်္ဂလာပါ.....
love arakan ဆိုဒ် နှင့် ပတ်သတ်လို့( ကိုခိုင်ကျော်ထူး)ကို အင်တာဗျူးချေ မိန်းချင်လို့ပါ။
ဟုတ်ပါယင့် မင်္ဂလာပါ အကို
ပထမဆုံး အနိန်နဲ့  ဒေ lovearakan ဆိုက်ကို ဇာ ခုနှစ်လောက်က စတည်ထောင်စွာပါလေ?
ဟုတ်ပါယင့် အကို Love Arakan ကို၂၀၀၉ ခုနှစ်က စလို့ ဖွင့်ခပါရေ
ဟုတ်ပါယင့် ကိုခိုင်ကျော်ထူး
အကိုဆိုက်ကို lovearakan လို့ နာမည်ပီးထားပါရေနန်း ဇာဖြစ်လို့ ဒေနာမည်ပီလိုက်ရစွာပါလေ?
ကျွှန်တော် အိန်တာနတ် မသုံးတတ်တေအချိန်ကပင် ကျွှန်တော်နန့် လုပ်ဖေါ်ကိုင်ဖက်ဖြစ်ခကတ်တေ လူကြီးတယာက်က Love Arakan နာမေနန့် AMP မှာ ကျွှန်တော့်ကို ၀င်ပီးခပါရေ။ သူ့နာမေကို ထုတ်ဖေါ်ခွင့်ရခါ နာမေကို သိရပါလိမ့်မေ။ ယင်းကနိန် Website ဖွင့်ခါလေ့ www.lovearakan.marayu.com ဆိုပြီးကေ ဖွင့်လိုက်စော်ဖြစ်ပါရေ။
၊
ဟုတ်ပါယင့် ကိုခိုင်ကျော်ထူး
အကိုက ကိုယ်ပိုင် ( lovearakan ) ဆိုရေ ဆိုက်ကို ဦးဆောင်သူ အဖြစ်နဲ့ တည်ထောင်ထားရေ ဒေဆိုက်ကို အကို အောင်မြင်နိန်ဗျာလ်လို့ လိုပြောကေလက်ခံပါဖို့လား....ဒေဆိုက်ကို တည်ထောင်ဖြစ်ခရေ အကြောင်းရင်း ရည်ရွည်ချက် ကိုလည်း ပြောပြပီးပါ။
ဟုတ်ပါယင့် အကို www.lovearakan.marayu.com Website ကို ဖန်တီသူ တယောက်အဖြစ်နန့် ကျွှန်တော်ဖွင့်ပီးထားပါရေ။ Love Arakan ရေ အောင်မြင်ပြီးသား Website တခုတော့ မဟုတ်ပါသိမ့်။ ကြိုးစားနိန်ရေ အဆင့်မှာရာ ဟိပါသိမ့်ရေ။ ဒေ Website ကို ဖွင့်ခရေ အကြောင်းအရင်းကို ပြောရဖို့ဆိုကေ ကွန်ပျူတာ အိန်တာနတ်ကို လေ့လာသင်ယူရေ သဘောလောက်နန့် ဖွင့်ခစော်ပါရာ။ ယကေလေ့ ယင်းနောက်ပိုင် ဒေ Website ကို ဒေဂုထိ ဆက်လက် ပြုစုထားစော်ကတော့ခါ ကျွှန်တော်ရို့ ရခိုင်သူ ရခိုင်သားတိ ဆုံတွိ့ကတ်ပြီးကေ စည်းလုံးကတ်ဖို့ အမျိုးသားရေးစိတ်ဓါတ် နိုးကြားလာကတ်ဖို့နန့် ရခိုင်ဘာသာနန့် လမ်းညွှန်ထားရေ သီးသတ် ရခိုင်ဆိုဒ်တခုဖြစ်လာစီချင်လို့ပါ။
ဟုတ်ပါယင့် အကို
ဆိုက်တစ်ခုကိုတည်ထောင်ရေ၊ အများကို ဦးဆောင်ရရေဆိုစွာက လွယ်ရေ ကိစ္စ၊ အလုပ်၊ တစ်ခု မဟုတ်ရေအတွက် အခက်အခဲတိ အနိန်နှင့် အနည်းနှင့် အများ တော့ခါ ရင်ဆိုင်ရပါရေမနား၊ တစ်ခါတစ်လီမှာ ဆိုဒ်တစ်ခုကို တစ်ယောက်တည်း ဦးဆောင်ရရေ လူ တစ်ယောက်အနေနဲ့ အဆင်မပြေမူတိ အခက်အခဲချေတိ
ရှိခကေ စိတ်ကိဇာပိုင် ပြုစု ပျိုးထောင်ပြီးကေ ကြိုးစားကျော်ဖြတ်ခရရေလည်း ဆိုစွာကိုလည်းပြောပြပီးပါ?ဟုတ်ပါယင့် အကို အခက်အခဲတိကတော့ ရင်ဆိုင်နိန်ရဆဲပါ။ Love Arakan Website ကို ဆက်လက်ပြုစုနိန်သရွိကတော့ အခက်အခဲတိက ဟိနိန်ပါဖို့။ ယေကေလေ့ အမျိုးသားရေး စိတ်ဓါတ်ကို အရင်းပြုပြီးကေ ရင်ဆိုင်ဖြေရှင်းနိန်ပါရေ။
အကိုဇာ နစ်ခုနစ်လောက်က အင်တာနက်စတင်သုံးလာစွာပါလေ
လက်ရှိတည်ထောင်ထားရေ love arakan ဆိုက် မတည်ထောင်ခင် ဇာ Ning Site ဆိုက်တိနဲ့ အရင်ဆုံး ရင်းနှီးကျွမ်းဝင်ခပါရေလဲ?
ကျွှန်တော် အိန်တာနတ်ကို စသုံးစော်က Love Arakan ကို ဖွင့်ခရေ ခုနှစ်ဖြစ်တေ ၂၀၀၉ ခုနှစ်က ဖြစ်ပါရေ။ Love Arakan ကို မဖွင့်ခင် တခု Website ကိုလေ့ မကျွှမ်းကျင်ခပါ။
ဟုတ်ပါယင့်ကို ခိုင်ကျော်ထူး
ရခိုင်သူ ရခိုင်သားတိ အချင်းချင်း ဆုံတွိ့ခွင့် ရကတ်လို့ အားရကျေနပ်မှုတော့ ဟိပါရေ အကို။ ယကေလေ့ ရခိုင်ပြည်မှာ အိန်တာနတ် လိုင်းမကောင်းသိမ့်ရေအတွက်ကြောင့် အားနည်းချက်တိအများကြီးဟိပါသိမ့်ရေ။
ဟုတ်ပါယင့်
လက်ရှိ lovearakan ဆိုက် ဆက်လက် ရပ်တည်နိင်ဖို့ အတွက် နောက်ကို ကိုခိုင်ကျော်ထူးဇာပိုင်စဉ်းစားထားပါလေ?..
သင်္ခါရ သဘောတရားအရ ကျွှန်တော် မဟိ့ရေ နောက်ပိုင်းမှာဖြစ်စီ Website အတွက် ဖေသာ မပီးနိုင်လို့ဖြစ်စီ ကျွှန်တော် တာဝန်မယူနိုင်ရေအချိန်ခါမှာ ရခိုင်သူ ရခိုင်သား တယောက်ဖြစ်ဖြစ် ရခိုင်အဖွဲ့အစီးတခုခုဖြစ်ဖြစ် စိတ်ချယုံကြည်ရကေ လွှဲအပ်လားဖို့ စိုင်းစားထားပါရေ။ ကျွှန်တော် ဟိနိန်ပြီးကေ တာဝန်ယူနိုင်ရေ အချိန်ကာလမှာတော့ Love Arakan ရေ ဒေအတိုင်း ရပ်တည်လို့ ဟိ့ပါဖို့ရာ.
ကိုခိုင်ကျော်ထူး မွေးရပ်မြေ(ဇာတိ) ဒေဂု လက်ရှိ နိန်ထိုင်နိန်ရေ(နိန်ရာ) ပြောပြပီးပါ၊
ဟုတ်ပါယင့်အကို ကျွှန်တော့် မွီးရပ်ဇာတိက စစ်တွေပါ၊ ဒေဂု အမေရိကမှာ နိန်ပါရေ။
ဟုတ်ပါယင့်ကိုခိုင်ကျော်ထူး ဒေဂု lovearakan ဆိုက်မှာ အက်မင်းခန့်ဖို့ အတွက်ကော အစီအဉ်ရှိပါယင့်လား?
Love Arakan ကို ကျွှန်တော်ကိုယ်တိုင်လေ့ Administrator အဖြစ်နန့် မအုပ်ချုပါ။ Love Arakan ကို Love Arakan စည်းကမ်း ဥပဒေကရာ အုပ်ချုပ်ပါရေ
ကျွှန်တော်လေ့ Love Arakan စည်းကမ်း ဥပဒေ ဘောင်အထဲကရာ လှုပ်ရှားနိန်ရစော်ပါ။
ဟုတ်ပါယင့် ကိုခိုင်ကျော်ထူး
ကိုခိုင်ကျော်ထူး lovearakan မိသားစု တိကို ပြောချင်ရေစကား ရှိကေပြောပြပီးပါ?
Love Arakan Website ရေ အဖွဲ့ဝင်တိကြောင့် ဖြစ်မြောက်နိန်ရေ Website တခုပါ၊ မျိုးချစ်စိတ်ချေတိနန့် ရခိုင်ဝတ်ဆဒ်မှာ အဖွဲ့ဝင်လာကတ်တေ Love Arakan အဖွဲ့ဝင်တိအားလုံးကို လေးစားပြီးကေ ကျေးဇူးလေ့ အထူးတင်ဟိပါရေ။
ဒေအင်တာဗျူဂဏ္ဍကို Love Arakan မှာ တင်ဖို့အတွက် ကိုခိုင်ကျော်ထူး သဘောတူနိုင်ပါဖို့လား။
ဟုတ်ပါယင့် အကို Love Arakan စည်းကမ်းချက်အရ ဒေမိန်းခွန်းကိုမိန်းလို့ ကျေးဇူးအများကြီးတင်ပါရေ။ တင်လို့ရပါရေအကို ကျွှန်တော် သဘောတူပါရေ။
ဒေဂုပိုင် (love arakan) အင်တာဗျူးကဏ္ဍ ကို ဖြစ်မြောက်ရေး အတွက် မိန်းမြန်သမျှကို ဖြေပီးခရေ ကိုခိုင်ကျော်ထူး ကို ကျွန်တော် ကိုရံတော်(မင်းပြား) နှင့် အတူ (love arakan) မှာ လာရောက် အညောင်းဖြေ အားပီကတ်တေ မန်ဘာဝင် မိသားစု အားလုံးက ကျေးဇူး အထူးတင်ရှိပါရေ။
နောက်ထပ် ဆက်လက်ပြီးကေ မိန်မြန်းဖြေဆိုလားဖို့ (love arakan) အင်တာဗျူးအစီအစဉ်တိမှာလည်း အသူက ဆက်ပြီကေ မိန်းလို့ အသူကဆက်ပြီ ဖြေဆိုလား ကတ်ဖို့လဲဆိုစွာကို ဆက်လက်စောင့်မျှော် ဖတ်ရူ အားပီးကတ်ပါလို့၊ Love Arakan နန့် ပတ်သတ်လို့ အခက်အခဲ ပြဿနာ တစ်ခုခုရှိခပါက ဒေနိန်ရာမှာ မိန်းမြန်နိုင်ပါရေ
ကောင်းပါဗျာလ်ယေကေ ကျနော် ကိုရံတော်(မင်းပြား) တင်ဆက်ပီးခရေ အင်တာဗျူး အစီအစဉ်ဂဏ္ဍကို ဒေမှာ အဆုံးသတ်လို့ အင်တာဗျူး အစီအစဉ်ဂဏ္ဍကို ဒေမှာ အဆုံးသတ်လို့ (love arakan) မိသားစုတိ အားလုံးကို နူတ်ဆက်လိုက်ပါယင့်....။
''''အားလုံးကျမ္မာ ပျော်ရွင် စွာနှင့်''''
'''''ဆန္ဒနှင့်ဘ၀ထပ်တူကျပါစီ''''
No comments:
Post a Comment